Karistugu (Singsås)

Dette er eit lite småbruk frå 1920. Namnet «Karistugu» har det fått ei som budde her.

Det opprinnelege huset er tømra i to etasjer med kjøkken , stue og ein liten gang i første og to soverom i tillegg til trappeoppgang i andre.

Det vart bygd attåt ca 1978 da det vart lagt inn bad og eit soverom i første etasje og to soverom og eit toalett i andre . Samstundes vart det skifta vindauge og sett inn tidsriktg dør.

Heldigvis har eigarane teke vare på mykje av det opprinnelege i huset her. Den doble gamle ytterdøra sto i uthuset. Det same gjer alle dei gamle vindaugene – dessverre utan karmar, men kanskje det kan bli eit drivhus av dei likevel?? Det som har vore eit sveitserinspirert inngangsparti er og teken vare på – og gjer at eg har veldig lyst til å få sett opp att dette framfor inngangen. Det hadde vore praktisk med tanke på vinter og snø og skjerming av inngangsdøra og.

Det knyter seg små spennenande historiar til huset her – bla er det fortalt at det ei tid var utlånsbibliotek for bygda her.

Mange av blogginnlegga rundt hus er frå her.